29.03.2024
Պուտինը հայտնել է, թե որն է Ռուսաստանի համար գլխավոր սպառնալիքը
prev Նախորդ նորություն

Նորություններ գործընկերներից

Ռուսաստանն անմիջապես կպատասխանի իր դեմ միջուկային հարձակման պարագայում. Պուտին

ՌԴ նախագահ Վլադիմիր Պուտինը հայտարարել է, որ Ռուսաստանի կամ նրա դաշնակիցների դեմ միջուկային զենքի ցանկացած կիրառում, համարվելու է միջուկային հարձակում, որին անմիջականորեն կհետեւի պատասխանը:


Այս մասին Պուտինը հայտարարել է մարտի 1-ին Դաշնային ժողովին ուղղված հատուկ ուղերձով հանդես գալու ժամանակ:


Ավելի վաղ Ժնևում ՌԴ ԱԳՆ ղեկավար Սերգեյ Լավրովը հայտարարել էր, որԱՄՆ-ն նախապատրաստում է եվրոպական երկրներին Ռուսաստանի դեմ միջուկային զենքի կիրառմանը: Նախարարը ուշադրություն է հրավիրել այն բանի վրա, որ Եվրոպայում ԱՄՆ-ի ոչ ռազմավարական միջուկային զենքի պահպանումը խոչընդոտում է ապամիջուկայնացմանը, այն ժամանակ, երբ «համատեղ միջուկային առաքելությունների» շրջանակում նախատեսվում է ամերիկյան ոչ ռազմավարական միջուկային սպառազինությունների կիրառումը ՆԱՏՕ-ի ոչ միջուկային անդամների մասնակցությամբ:


«Բոլորի համար պետք է հասկանալի լինի, որ դրանով ԱՄՆ-ը պատրաստում է Եվրոպայի զինված ուժերին ՌԴ-ի դեմ տակտիկական միջուկային զենքի կիրառմանը»,- ասել է Լավրովը:


Այս խնդրի մասին խոսելիս Պուտինը վկայակոչել Ռուսաստանի ռազմական դոկտրինը: «Նշեմ, որ մեր ռազմական դոկտրինում Ռուսաստանն իրեն միջուկային զենքի կիրառման իրավունք է վերապահում իր եւ իր դաշնակիցների դեմ միջուկային հարձակման պարագայում: Կամ մեր դեմ հասարակ զենքի կրառման պարագայում, եթե այն վտանգում է պետության գոյությունը», - հիշատակել է նա:


Այս համատեքստում նա հայտարարել է, որ Ռուսաստանի կամ նրա դաշնակիցների դեմ միջուկային զենքի ցանկացած կիրառում, համարվելու է միջուկային հարձակում, որի անմիջականորեն կհետեւի պատասխանը՝ իր հետեւանքներով:

Տնտեսագետները Թրամփի ծրագիրն անվանել են «կարճատես» եւ «աղետալի». Bloomberg
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար