29.03.2024
«Պիտի ծխենք». երբ կառավարությունը ծնում է ֆարս
prev Նախորդ նորություն

Նորություններ գործընկերներից

Արմեն Սարգսյանի հանդիպումները. ընդդիմությունն առայժմ անտեսված է

Այսօրվանից մեկնարկում են ՀՀ նախագահի՝ ՀՀԿ առաջադրած թեկնածու Արմեն Սարգսյանի հանդիպումները Ազգային ժողովում ներկայացված քաղաքական ուժերի ներկայացուցիչների հետ:

Առաջինը Արմեն Սարգսյանը մտադիր է հանդիպել այն կուսակցության ներկայացուցիչների հետ, որն իրեն առաջադրել է՝ ՀՀԿ խմբակցության պատգամավորների հետ հանդիպումը տեղի կունենա այսօր երեկոյան:

Դրանից հետո՝ ժամը 19,30-ին, կկայանա նաև Արմեն Սարգսյանի հանդիպումը ՀՅԴ խմբակցության պատգամավորների հետ:

VERELQ-ի հետ զրույցում «Ծառուկյան» խմբակցության քարտուղար Վահե Էնֆիաջյանը նշեց, որ այս պահի դրությամբ հանդիպման առաջարկ խմբակցությունը չի ստացել: Ճշտող հարցին՝ կհանդիպե՞ն, եթե հրավեր լինի, արձագանքեց.

«Նման նախաձեռնությունները թիմով ենք որոշում և այս հարցում էլ բացառություն չի լինի»,- ընդգծեց նա:

«Ելք» խմբակցության քարտուղար Գևորգ Գորգիսյանը մեզ հետ զրույցում տեղեկացրեց, որ այս պահի դրությամբ իրենք ևս Արմեն Սարգսյանի հետ հանդիպելու հրավեր չեն ստացել, բայց ընդհանուր տրամադրվածությունն այնպիսին է, որ եթե ստանան՝ չեն մերժի.

«Եթե նման առաջարկ լինի, ապա կարծում եմ այն չենք մերժի՝ նախնական մեր տրամադրվածությունն այդպես է: Բայց դեռևս որևէ հրավեր կամ հանդիպման առաջարկ չենք ստացել»,- ասաց նա:

Ինչ վերաբերում է «Ելք»-ի նախագահի թեկնածու Արտակ Զեյնալյանի շուրջ ստեղծված իրավիճակին, Գորգիսյանը հիշեցրեց, որ խնդիր ունեն՝ չեն կարողանալու գրանցել Զեյնալյանի թեկնածությունը, քանի որ դրա համար անհրաժեշտ պատգամավորների 25 տոկոսի ստորագրությունը ընդդիմադիր խմբակցությունը չունի: «Ծառուկյան» դաշինքը, հիշեցնենք, մերժեց «Ելք»-ին աջակցելու առաջարկը:


Հիշեցնենք, Միացյալ Թագավորությունում և Իռլանդիայում ՀՀ դեսպան Արմեն Սարգսյանը ՀՀԿ նախագահի թեկնածուն է՝ այս պահի դրությամբ երկրի ղեկավարի այլընտրանքային թեկնածուն: ՀՀ նախկին վարչապետը, ըստ Wikileaks-ի, միշտ է եղել հայաստանյան իշխանությունների ուշադրության էպիկենտրոնում, մասնավորապես 2008 թվականի նախագահական ընտրություններից հետո վարչապետի պաշտոնին հավակնող թեկնածուների թվում է եղել:


 

Սլովակիայի խորհրդարանի նախագահը դատապարտել է Հայոց ցեղասպանությունը
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար