Թուրքական ԶՈւ-ն կհեռանա Աֆրինից, երբ հասնի իր առջև դրված նպատակներին. Անկարա

Թուրքիայի փոխվարչապետ Բեքիր Բոզդաղը հայտարարել է, որ թուրքական ԶՈւ-ն կհեռանա սիրիական Աֆրինից, երբ հասնի իր առջև դրված բոլոր նպատակներին:

«Երբ ռազմական գործողությունը հասնի ի սկզբանե դրված նպատակին՝ Թուրքիան դուրս կգա Սիրիայից»,- հավաստիացրել է Բոզդաղը՝ շեշտելով, որ իրենք պայքարում են ահաբեկչության և ոչ թե աֆրինցի խաղաղ բնակչության դեմ:

Նշենք, որ Աֆրինի հիմնական բնակչությունն ազգությամբ քուրդ է, այստեղ ապրում են նաև արաբներ և թուրքեմեններ:

Թուրքիայի փոխվարչապետը նշել է, որ իրենք «հարգում են Սիրիայի տարածքային ամբողջականությունը և շարունակելու են գործել այդ սկզբունքների շրջանակներում»: