Էրդողանը մուսուլմանական երկրներին կոչ է արել Երուսաղեմը Պաղեստինի մայրաքաղաք ճանաչել

Թուրքիայի նախագահ Ռեջեփ Թայիփ էրդողանը մուսուլմանական երկրներին կոչ է արել Երուսաղեմը Պաղեստինի մայրաքաղաք ճանաչել: Այս մասին Էրդողանը հայտարարել է Ստամբուլում ընթացող Իսլամական համագործակցության կազմակերպության՝ Երուսաղեմի հարցին նվիրված գագաթնաժողովի բացման ժամանակ ելույթի ընթացքում:

Էրդողանն ասել է, որ Երուսաղեմն Իսրայելի մայրաքաղաք ճանաչելու (Դոնալդ Թրամփի) որոշումը ծառայում է արմատական հոսանքների շահերին:

Էրդողանը շնորհակալություն է հայտնել Երուսաղեմն Իսրայելի մայրաքաղաք ճանաչելու ԱՄՆ որոշումը դատապարտած պետություններին: