Անկարան վճռական կպատասխանի տարածքային ամբողջականության սպառնալիքներին. Էրդողան

Թուրքիան 780 հազար քառակուսի կմ մակերես զբաղեցնող իր 81 նահանգներով ու տարածքներով իրենից մեկ ամբողջություն է ներկայացնում, հայտարարել է Թուրքիայի նախագահ Ռեջեփ Թայիփ Էրդողանը։

Նրա խոսքով՝ Անկարան պատրաստ է վճռականորեն պատասխանել Թուրքիայի տարածքային ամբողջականության դեմ ուղղված սպառնալիքներին։

«Դրա հստակ օրինակ կարող է ծառայել տարածաշրջանում Թուրքիայի ռազմաօդային ուժերի գործողությունն ահաբեկիչների դեմ»,-ընդգծել է Էրդողանը։

Պետության ղեկավարը նշել է, որ Թուրքիայի թշնամիները փորձում են առավելագույն վնաս հասցնել Անկարային։

«Այդ սցենարի մաս են հանդիսանում ԱՄՆ-ում Թուրքիայի քաղաքացիների դեմ դատերը։ Թուրքիայի թշնամիներին ակտիվ աջակցություն են ցուցաբերում Ֆեթուլահ Գյուլենի ահաբեկչական հոսանքի կողմնակիցները։ Այդ պատճառով էլ վերջին շրջանում ակտիվացել են նաև PKK-ի ահաբեկիչները»,- նշել է Էրդողանը։