Ուկրաինան և Թուրքիան կստորագրեն ռազմաֆինանսական համագործակցության համաձայնագիր

Ուկրաինայի կառավարությունը հավանություն է տվել Թուրքիայի հետ ռազմական համագործակցության նոր համաձայնագրի ստորագրման որոշմանը: Համաձայնագրով Ուկրաինան Թուրքիայից կգնի ռազմական նշանակության ապրանքներ, ինչպես նաև կանցկացվեն Ուկրաինայի ԶՈւ զինծառայողների մարզումներ:

Այս մասին հայտնում է Ռազմինֆոն, վկայակոչելով Ուկրաինայի ՊՆ կայքը: Փաստաթուղթը ենթադրում է համաձայնագրի և արձանագրության ծրագրերի հավանության համար ուկրաինայի ներպետական գործընթացների իրականացումը և Թուրքիայում Ուկրաինայի դեսպանին լիազորում է դրանք ստորագրել, 

Ըստ հաղորդագրության, դա հնարավորություն կտա Ուկրաինային ֆինանսական միջոցներ հատկացնել ռազմական նշանակության ապրանքների և ծառայությունների գնման, Ուկրաինայի զինված ուժերի զինծառայողների համար կարճաժամկետ դասընթացների վճարման համար: