Իրանը վառելիքի էմբարգո է հայտարարել Իրաքյան Քրդստանի նկատմամբ

Թեհրանն արգելել է վառելիքի և քսանյութերի ներկրումն ու արտահանումը Իրաքյան Քրդստանի քաղաքներ և բնակավայրեր:

«Միջազգային տրանսպորտային ընկերություններին և վարորդներին խորհուրդ է տրվում խուսափել վառելիքի և քսանյութերի տեղափոխումից քրդական տարածաշրջան մինչև հետագա հրահանգներ ստանալը», - ասվում է Իրանի տրանսպորտի նախարարության հայտարարության մեջ:

Նման որոշում Իրանը կայացրել է Իրաքյան Քրդստանի անկախության հանրաքվեի անցկացումից հետո, որի արդյունքով՝ բնակիչների 92 տոկոսից ավելին կողմ է քվեարկել անկախությանը: