Բաքուն մեծացնում է ճնշումը երկրի քրիստոնյաների վրա

Ադրբեջանի իշխանությունները մեծացնում են ճնշումը երկրի քրիստոնյա համայնքի վրա։

Երկրի ՀԿ-ների պետական աջակցության կոմիտեի նախագահ, Մեջլիսի պատգամավոր Ազայ Գուլիևը հայտարարել է, որ քրիստոնյա քարոզիչների գործունեությունը երկրում վտանգավոր է։

Նա հայտարարել է, որ քրիստոնյաները փորձում են զորակոչիկներին զերծ պահել բանակ գնալուց։

«Քրիստոնյաները փորձում են համոզել զորակոչիկներին, որ զենք վերցնելը մեղք է․ այսպիսով նրանք թուլացնում են բանակը, նրա մարտական ոգին», - ասել է նա, նշելով, որ Ադրբեջանը մտածելու է քրիստոնեության քարոզը սահմանափակելու մասին։