Սերժ Սարգսյանը վավերացրել է Մեղրի-Նուրդուզ սահմանային դարպասի մասին համաձայնագիրը

Նախագահ Սերժ Սարգսյանը ստորագրել է Հայաստանի Հանրապետության Ազգային ժողովի ընդունած մի շարք օրենքներ և համաձայնագրեր։

Դրանց թվում է նաև «Հայաստանի Հանրապետության կառավարության և Իրանի Իսլամական Հանրապետության կառավարության միջև Մեղրի-Նուրդուզ սահմանային դարպասի համատեղ օգտագործման մասին» համաձայնագիրը վավերացնելու մասին:

Նախագահը նաև վավերացրել է «Հայաստանի Հանրապետության կառավարության և Բրազիլիայի Դաշնային Հանրապետության կառավարության միջև տեխնիկական համագործակցության մասին» համաձայնագիրը: