Մերկելի կուսակցությունը հաղթել է Բունդեսթագի ընտրություններում

Գերմանիայի խորհրդարանական ընտրություններում հաղթում է ՔԴՄ/ՔՍՄ դաշինքը՝ ստանալով 33 տոկոս ձայն:

Երկրորդ տեղում է Գերմանիայի Սոցիալ-դեմոկրատական կուսակցությունը՝ 20,5 տոկոս ձայնով, «Այլընտրանք Գերմանիայի համար» աջ կուսակցությունն առաջին անգամ խորհրդարան է անցնում 12,6 տոկոս ձայնով, հայտնել է երկրի Կենտրոնական ընտրական հանձնաժողովը՝ ըստ բոլոր 299 ընտրատարածքների ձայների հաշվարկի արդյունքների:

Խորհրդարան անցնելու 5 տոկոսի շեմը հաղթահարելով՝ Բունդեսթագ կմտնեն նաեւ Ազատ դեմոկրատական կուսակցությունը՝ 10,7 տոկոս, «Ձախերը»՝ 9,2 տոկոս, «Կանաչները»՝ 8,9 տոկոս, հայտնում է «Գերմանական ալիքը»: