Թիլերսոնը Վաշինգտոնում «վատ շրջապատ» է ընկել. Պուտին

Ռուսաստանի նախագահ Վլադիմիր Պուտինը հայտարարել է, որ ԱՄՆ պետքարտուղար Ռեքս Թիլերսոնը Վաշինգտոնում հայտնվել է «վատ շրջապատում»։ Պուտինը հույս է հայտնել, որ Մոսկվայի հետ համագործակցությունը կվերադարձնի Թիլերսոնին «ճիշտ ուղի»։ Այս մասին հայտնում է gazeta.ru-ն։

Պուտինը ելույթ է ունեցել Վլադիվոստոկում անցկացվող Արևելյան տնտեսական ֆորումի ժամանակ։ Նա նաև հայտարարել է, որ Ռուսաստանը շարունակում է աշխատել ամերիկյան ընկերությունների հետ, չնայած ԱՄՆ-ի հետ հարաբերություններում բոլոր դժվարություններին։ Այդ ձեռնարկությունների թվում է ExxonMobil-ը, որն ավելի վաղ գլխավորել էր Ռեքս Թիլերսոնը։