Քիրքուկի նահանգապետ.Իրանը պետք է ճանաչի Քրդստանը, ինչպես նախկինում ճանաչել է Ադրբեջանը

Քիրքուկի նահանգապետ Նաջմալդին Կարիմը հարցազրույց է տվել քրդական Rudaw–ին, որտեղ անդրադարձել է Իրաքյան Քրդստանի անկախության հանրաքվեին։

Նա նշել է, որ քրդական ապագա պետության սահմանադրության մեջ հստակ պետք է նշվի արաբերեն և թուրքմեներեն լեզուների պաշտոնական կարգավիճակը, շարունակեն գործել դպրոցներ և այլն։

Ըստ նրա, Իրանն իրոք օգնության է հասել Քրդստանին 2014թ.–ի օգոստոսին`զենք մատակարարելով։

«Մենք երբեք չենք մոռանա, որ Սադդամի դեպ պայքարում Իրանն 1975-1991թ.–ին հազարավոր քուրդ փախստականների է ընդունել։ Իրանի ու մեր միջև սահմանն`երկու կողմից Քրդստան է։ Մենք հույս ունենք, որ Իրանը կճանաչի Քրդստանի դաշնային հանրապետությունը, ինչպես նախկինում ճանաչել է Ադրբեջանը, չնայած Իրանում ադրբեջանցիների թիվն երեք անգամ գերազանցում է Ադրբեջանի բնակչությանը։ Քրդստանը կլինի Իրանի և Թուրքիայի լավագույն հարևանը»,–հավելել է նա։