Իրանագետ.Իրանը չի պատրաստվում միջուկային զենք ստեղծել

Այս պահին Իրանը միջուկային զենք չունի և չի պատրաստվում այն արտադրել։ Չնայած ՄԱԳԱՏԷ–ի զեկույցին այն մասին, որ Իրանը զբաղվել է միջուկային հետազոտություններով, սակայն կոնկրետ փաստեր չկան, որոնք կապացուցեին Իրանի մոտ միջուկային զենքի առկայությունը։ Այդ մասին հայտարարել է իրանագետ Ադլան Մարգոևը, փոխանցում է sputnik.az–ը։

Նրա խոսքով, Իրանն ունեցել է որոշակի ներուժ միջուկային զենք ստեղծելու համար, սակայն Թեհրանը չուներ միջուկային ռումբ արտադրելու տեխնիկական հնարավորություն։

Ըստ նրա, Իրանն ընդհանրապես շահագրգռված չէ դուրս գալու միջուկային համաձայնագրից`նրանք դա առաջինը չեն անելու։