Կատալոնիայի անկախության հանրաքվեն չի կայանա. Իսպանիայի վարչապետ

Իսպանիայի վարչապետ Մարիանո Ռախոյը վստահեցրել է, որ Կատալոնիայի անկախության հարցով հանրաքվեն չի կայանա։ Այս մասին հայտնում է El Pais թերթը։ Տարածաշրջանային իշխանությունները ծրագրում են հանրաքվեն անցկացնել հոկտեմբերի 1-ին։

Վարչապետն ընդգծել է, որ «օրենքն ու ժողովրդավարությունը չի կարելի տարանջատել» և հավելել է, որ «Իսպանիան հանդիսանում է զարգացած ժողովրդավարություն»։ Ռախոյը նշել է, որ հոկտեմբերի 1-ին հանրաքվե չի լինի։

Կառավարության ղեկավարը, ով ներկայում հանգստանում է Գալիսիայի ինքնավարությունում, չի բացառել նաև, որ օգոստոսի 16-ին Նախարարների խորհրդի արտահերթ նիստ կգումարի, եթե Կատալոնիայի իշխանությունները փորձեն հավանություն տալ հանրաքվեի մասին օրենքին։