ՆԱՏՕ-ն չկարողացավ պատասխանել ահաբեկչության տարածմանը. Լավրով

ՆԱՏՕ-ն ի վիճակի չեղավ պատասխանել ահաբեկչության տարածմանը, Դաշինքը շարունակում է լրջորեն սասանել Եվրոպայում անվտանգությունը։ «ՌԻԱ Նովոստի»-ի փոխանցմամբ՝ այս մասին հայտարարել է ՌԴ ԱԳ նախարար Սերգեյ Լավրովը։

Նրա խոսքով՝ Դաշինքը «սառը պատերազմից» մինչ այսօր փորձում է արդարացնել իր գոյությունը։

«Դրանով հանդերձ՝ ՆԱՏՕ-ն ի վիճակի չեղավ սթափ պատասխան տալ ժամանակակից գլխավոր սպառնալիքին՝ ահաբեկչության տարածմանը։ Եվ իր գործողություններով Դաշինքը լրջորեն սասանել ու սասանում է Եվրոպայում անվտանգությունը։ Դա, իհարկե, հակասում է Եվրոպայի ժողովուրդների հույսերին»,- հավելել է Լավրովը։