Ռուսաստանը 2016-ին սպառազինություն է մատակարարել 50 երկիր

2016 թվականին Ռուսաստանը սպառազինություն է մատակարարել 50 երկիր: Ինչպես հաղորդում է ՌԻԱ Նովոստին, այս մասին հայտարարել է «Рособоронэкспорт» ընկերության գլխավոր տնօրեն Ալեքսանդր Միխեևը:  

Նրա խոսքով, ռուսական խոշոր ընկերությունը ամեն օր օտարերկրյա գործընկերների հետ ստորագրում է երկու-երեք պայմանագրային փաստաթուղթ և նման ակտիվ գործունեության արդյունքում 2016 թվականին ընկերությունը ռուսական սպառազինություն ու ռազմական տեխնիկա է մատակարարել ավելի քան 50 երկիր: Այդ գործարքների ընդհանուր արժեքը կազմել է ավելի քան 13 մլրդ դոլար:

Միխեևը հիշեցրել է, որ ընկերությունների պատվերների ընդհանուր քսակը կազմում է շուրջ 45 մլրդ դոլար, իսկ Ռուսաստանը կատարում է շուրջ 5 հազար միջազգային պայմանագրեր ռազմա-տեխնիկական համագործակցության ոլորտում: