ԻՊ-ի առաջնորդը կարող է ոչնչացված լինել. ՌԴ ՊՆ-ն ստուգում է տեղեկատվությունը

«Իսլամական պետություն» (ԻՊ) ահաբեկչական խմբավորման առաջնորդ Իբրահիմ Աբու-Բաքր ալ-Բաղդադին կարող է ոչնրացված լինել Ռաքքայի մոտակայքում ահաբեկիչների հրամանատարական կետին ՌԴ ռազմական ավիացայի հարվածների հետեւանքով:

Այս մասին հայտնում է «РИА Новости» գործակալությունը, նշելով, որ այդ ժամանակ հրամանատարական կետում բարձրաստիճան ահաբեկիչների խորհրդակցություն է տեղի ունեցել: ՌԴ ՊՆ-ից հայտնում են, որ իրենք նման տեղեկատվություն ունեն, որը տարբեր խողովակներով ստուգվում է:

«Ըստ այդ տեղեկատվության, խորհրդակցությանը ներկա է գտնվել նաեւ ԻՊ-ի առաջնորդ Իբրահիմ Աբու-Բաքր ալ-Բաղդադին: Նա ավիահարվածի արդյունքում ոչնչացվել է»,- ասված է ՌԴ ՊՆ հաղորդագրության մեջ: