Գերմանիան կփորձի խուսափել Թուրքիայի հետ հարաբերությունների վատթարացումից

Ինջիրլիկ բազայից գերմանացի զինծառայողներին դուրս բերելու ընթացքում Գերմանիան կփորձի խուսափել Թուրքիայի հետ առանց այդ էլ լարված հարաբերությունների վատթարացումից։ Այս մասին հայտնել է Գերմանիայի ԱԳ նախարար Զիգմար Գաբրիելը, փոխանցում է Reuters-ը։

Նրա խոսքով, իր գերատեսչությունը կանի հնարավոր ամեն ինչ, որպեսզի չսրի իրավիճակը այն ժամանակահատվածում, երբ գերմանացի զինծառայողները կսկսեն հեռանալ Ինջիրլիկ ավիաբազայից։

Ավելի վաղ Գերմանիայի պնախարար Ուրսուլա ֆոն դեր Լեյենը հայտնել էր, որ 280 զինծառայողներ Ինջիրլիք բազայից տեղափոխվելու են Հորդանան։ Գերմանիայի կառավարությունը այդ հարցը կքննի հունիսի 7-ին։

Հիշեցնենք, որ Բեռլինը այդ քայլին գնացել է, քանի որ Անկարան արգելել էր գերմանացի պատգամավորներին այցելել Ինջիրլիկ բազա։