Փաշինյանը մեկնել է Նյու Յորք

Հայաստանի վարչապետ Նիկոլ Փաշինյանն աշխատանքային այցով մեկնել է ԱՄՆ՝ մասնակցելու Նյու Յորքում կայանալիք ՄԱԿ-ի Գլխավոր ասամբլեայի 81-րդ նստաշրջանին։ Մեկնելու մասին վարչապետը տեղեկացրել է սոցցանցում հրապարակած տեսանյութով՝ նշելով, որ սպասում են ինքնաթիռ բարձրանալուն։

Ինչպես հայտնել է վարչապետի մամուլի խոսնակ Մելանյա Հարությունյանը, այցը կտևի սեպտեմբերի 22-ից 25-ը։

Նախատեսվում է, որ Նյու Յորքում Նիկոլ Փաշինյանը ելույթ կունենա ՄԱԿ-ի ԳԱ 81-րդ նստաշրջանի բարձրաստիճան հատվածում, ինչպես նաև առանձնազրույցներ կունենա ՄԱԿ-ի գլխավոր քարտուղար Անտոնիու Գուտերեշի և միջազգային այլ գործընկերների հետ։