Պաշտպանության նախարարի երկու խորհրդականներն ավարտել են պաշտոնավարումը

ՀՀ պաշտպանության նախարար Սուրեն Պապիկյանի երկու խորհրդականներն ավարտել են իրենց գործունեությունը պաշտպանական գերատեսչությունում: Նախարարը շնորհակալություն է հայտնել նրանց կատարած աշխատանքի համար և արժանացրել պարգևների:

Հայաստանի պաշտպանության նախարարությունում կադրային փոփոխություններ են տեղի ունեցել: Մելիքսեթ Պողոսյանը և Ռազմիկ Պետրոսյանը պաշտոնապես դադարեցրել են իրենց գործունեությունը՝ որպես պաշտպանության նախարարի խորհրդականներ:

Պաշտոնավարման ավարտի մասին հանրությանը տեղեկացրել է անձամբ գերատեսչության ղեկավար Սուրեն Պապիկյանը՝ սոցիալական ցանցի իր պաշտոնական էջում հրապարակված հատուկ տեսանյութի միջոցով: Նախարարը բարձր է գնահատել իր արդեն նախկին խորհրդականների ներդրումն ու անցած ուղին՝ նշելով, որ հանդիպման ընթացքում անձամբ շնորհակալություն է հայտնել նրանց նվիրված ծառայության համար:

Ի նշանավորումն նրանց կատարած աշխատանքի՝ Պողոսյանն ու Պետրոսյանը պարգևատրվել են պաշտպանության նախարարության գերատեսչական մեդալներով: