Ընդդիմադիր ուժերը միավորվելու շուրջ խորհրդակցություններ են անցկացնում. Կարապետյան

Հայաստանի հիմնական ընդդիմադիր ուժերը քննարկել են համախմբման հարցերը: Այս մասին դատական նիստից առաջ լրագրողների հետ զրույցում հայտնել է տնային կալանքի տակ գտնվող «Ուժեղ Հայաստան» կուսակցության առաջնորդ Սամվել Կարապետյանը:

«Գրեթե ամեն շաբաթ նման քննարկումներ են տեղի ունենում։ Մենք քննարկում ենք քաղաքական պայքարի ուղիները», - նշել է նա։

Կարապետյանը հստակեցրել է, որ երկխոսություն է եղել, մասնավորապես, Գագիկ Ծառուկյանի գլխավորած «Բարգավաճ Հայաստան» կուսակցության ներկայացուցիչների հետ։ Միևնույն ժամանակ, քաղաքական գործիչն ընդգծել է, որ երկրորդ նախագահ Ռոբերտ Քոչարյանի հետ բանակցություններ չեն վարվել։

«Դա մարդ չէ, դա մեխանիզմ է։ Մենք պետք է քանդենք այդ մեխանիզմը՝ վերջնական հաղթանակի հասնելու համար։ Մեխանիզմը ստեղծվել է լուրջ, ոչ բարեկամական պետությունների կողմից, ուստի այն դժվար է քանդել, ժամանակ է պետք», - հայտարարել է «Ուժեղ Հայաստանի» առաջնորդը։

Նա նաև վստահություն է հայտնել, որ իր թիմի գործողությունները երկիրը չեն տանի ցնցումների։

«Մենք անում ենք ամեն ինչ, ինչը կօգնի իրավական ճանապարհով հեռացնել իշխանությունը», - վստահեցրել է Կարապետյանը՝ հավելելով, որ պատրաստ է համագործակցել բոլոր իրական ընդդիմադիր ուժերի հետ։