28.03.2024
Թուրքիան իրավունք ունի հետապնդել հեղաշրջման մեջ կասկածյալներին. Սթոլթենբերգ
prev Նախորդ նորություն

Նորություններ գործընկերներից

Պեդրո Ագրամունտը չի հեռանա. Ինչո՞ւ է իրավիճակ փոխվել ԵԽԽՎ-ում

Քիչ առաջ ավարտվել է ԵԽԽՎ Բյուրոյի նիստը, որի օրակարգում էր ԵԽԽՎ նախագահ Պեդրո Ագրամունտի հրաժարականի քննարկումը: Ագրամունտը նիստին ներկա չի եղել, ինչը դիտվել է որպես անարգանք:

Թեև երկուշաբթի օրը ԵԽԽՎ-ն պահանջել են Ագրամունտի հրաժարականը և նա, կարծես, համաձայնվել էր հեռանալ, այսօր վեհաժողովում քննարկվում էր ոչ թե նրա հրաժարականը, այլ լիազորությունները սահմանափակելու հարցը: Մասնավորապես, Բյուրոյում արվել է հայտարարություն, որ Ագրամունտն այլևս իրավունք չի ունենա ներկայացնել ԵԽԽՎ-ն, հայտարարություններ անել վեհաժողովի անունից, քանի որ չի կատարել այն, ինչ խոստացել էր՝ հրաժարականի դիմում ներկայացնել և ներկայանալ Բյուրոյի նիստին: Սակայն ԵԽԽՎ-ն չունի որևէ ընթացակարգ, որը նախագահի ետկանչ է ապահովում, հետևաբար Ագրամունտը կմնա այդ պաշտոնում՝ սահմանափակված լիազորություններով. անունով վեհաժողովի նախագահ, լիազորություններով՝ առ ոչինչ:

Հիշեցնենք, որ ԵԽԽՎ-ում Ագրամունտի հրաժարականը պահանջել էին ոչ թե այն պատճառով, որ նրա անունը կոռուպցիոն մի շարք սկանդալային պատմություններում է հիշատակվում, այլ որովհետև մարտին նա ՌԴ ներկայացուցիչների հետ մեկնել էր Սիրիա, թեև ԵԽԽՎ-ն իրեն այդ իրավասությունը չէր տվել: Գարնանային նստաշրջանի մեկնարկը ազդարարվեց բավականին բուռն քննարկմամբ, որի արդյունքում Ագրամունտը ժամանակավորապես հրաժարվեց նախագահությունից:

VERELQգրել էր, որ հրաժարական տալու դիմաց նա մի նախապայման էր առաջ քաշել՝ նախագահել ԵԽԽՎ-ում, երբ ելույթ է ունենալու Իսպանիայի թագավոր Ֆիլիպ VI-րդը: Ըստ մամուլի՝ քաղաքական խմբերի ղեկավարները համաձայնել էին այս պայմանի հետ` ինքնակամ հրաժարական տալու խոստման դիմաց, սակայն նախօրեին, երբ Իսպանիայի թագավորը ելույթ էր ունենում վեհաժողովում, պրոադրբեջանական լոբբիստի համարում ունեցող Ագրամունտը այդ նիստը չէր նախագահում:

«ԱՄՆ-ն և Ռուսաստանը ոչ մի հարց չեն լուծել». Թիլերսոնը՝ մոսկովյան այցի մասին
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար