Կոտայքի մարզի Հրազդան քաղաքում փորձարկվելու են էլեկտրաշչակներ

Հունիսի 12-ին՝ ժամը 11։00-ից մինչև 16:00-ն ընկած ժամանակահատվածում, Կոտայքի մարզի Հրազդան քաղաքում նախատեսվում է իրականացնել էլեկտրական շչակների փորձարկում։ Սա ազդարարման համակարգի տեխնիկական վիճակի ստուգմանն ուղղված պլանային միջոցառում է:

Բնակիչներին հորդորում են չանհանգստանալ և պահպանել հանգստություն. շչակների ձայնը լսելիս որևէ գործողություն ձեռնարկելու անհրաժեշտություն չկա։ Փորձարկումներն իրականացվում են բնակչության պաշտպանության համակարգերի պատրաստվածությունն ապահովելու նպատակով: