ԱՄՆ պետքարտուղարի տնտեսական հարցերով տեղակալ Ջեյ Դի Վենսի հետ կայցելի Երևան

ԱՄՆ տնտեսական հարցերով պետքարտուղարի տեղակալ Ջեյքոբ Հելբերգը կուղեկցի փոխնախագահ Ջեյ Դի Վենսին փետրվարի 9-11-ը Հայաստան և Ադրբեջան կատարելիք այցի ընթացքում, հայտնում է Պետդեպարտամենտը:

Այս բարձրաստիճան այցի նպատակն է առաջ մղել նախագահ Դոնալդ Թրամփի «Միջազգային խաղաղության և բարօրության ուղի» (TRIPP) նախաձեռնությունը, որը միտված է տնտեսական ու ռազմավարական գործիքների միջոցով տարածաշրջանում կայունության հաստատմանը:

Այցի շրջանակում նախատեսվում է Հայաստանի հետ ստորագրել խաղաղ նպատակներով միջուկային համագործակցության համաձայնագիր և պայմանավորվածություններ ձեռք բերել ամերիկյան կիսահաղորդչային ընկերությունների համար նոր շուկաներ բացելու ուղղությամբ:

Ադրբեջանում պատվիրակությունը կկենտրոնանա ռազմավարական գործընկերության ամրապնդման և ամերիկյան արտադրության պաշտպանական սարքավորումների, այդ թվում՝ զրահաբաճկոնների և նավակների վաճառքի հարցերի վրա:

Նախագահ Թրամփը նշել է, որ այս առաքելությունը կոչված է նոր էջ բացել տարածաշրջանային խաղաղության ջանքերում՝ հիմնվելով ԱՄՆ-ի և Հարավային Կովկասի երկրների միջև առևտրային և տեխնոլոգիական կապերի զարգացման վրա: