Բյուջե 2026. Հայաստանը կկրճատի պաշտպանական և ՆԳՆ ծախսերը

Հայաստանի 2026 թվականի պետական բյուջեի նախագիծը նախատեսում է ուժային կառույցների ֆինանսավորման զգալի կրճատում։ Ըստ փաստաթղթի, որը քննարկվում է խորհրդարանում, 2025 թվականի համեմատ Պաշտպանության նախարարության ծախսերը նախատեսվում է նվազեցնել 15,3%-ով, իսկ Ներքին գործերի նախարարությանը՝ 2,2%-ով։

Երկրի 2026 թվականի գլխավոր ֆինանսական փաստաթղթի նախագիծը քննարկվում է հոկտեմբերի 27-ին խորհրդարանական մշտական հանձնաժողովների համատեղ նիստում։ Ներկայացված տվյալները վկայում են, որ պաշտպանական գերատեսչության ֆինանսավորումը 2026 թվականին կկազմի 563,1 միլիարդ դրամ, ինչը համարժեք է մոտ 1,4 միլիարդ ԱՄՆ դոլարի։ Այս գումարը կկազմի պետական գանձարանի ընդհանուր ծախսային մասի 15,5%-ը։ Կրճատումը կանդրադառնա նաև Ներքին գործերի նախարարության վրա. գերատեսչության կարիքների համար նախատեսված ծախսերն առաջարկվում է սահմանել 102,6 միլիարդ դրամի կամ շուրջ 267 միլիոն դոլարի մակարդակին։