Հայաստանում մեկնարկել են խորհրդարանական ընտրությունները

Երևանի ժամանակով ժամը 08.00-ին հանրապետության ողջ տարածքով բացվել են 2009 ընտրատեղամասեր` Հայաստանում այսօր խորհրդարանական ընտրություններ են:

Համաձայն նախօրեին ՀՀ ոստիկանության կողմից հրապարակած տվյալների` ընտրելու իրավունք ունի 2 մլն 564.195 քաղաքացի: Երկրի շուրջ 2 հազար ընտրատեղամասերում քվեարկությունը կանցկացվի ժամը 8-ից մինչև 20-ը:

Ազգային Ժողովի ընտրություններին մասնակցում է 9 քաղաքական ուժ` 5 կուսակցություն և չորս դաշինք: «ԵԼՔ» , «Օհանյան-Րաֆֆի-Օսկանյան», «Ծառուկյան», «Կոնգրես-ՀԺԿ» դաշինքները, Հայաստանի Հանրապետական , Հայ Յեղափոխական Դաշնակցություն, «Ազատ դեմոկրատներ», «Հայկական վերածնունդ», Հայաստանի կոմունիստական կուսակցությունները:

Ընտրապայքարի առաջատարներն են Հայաստանի Հանրապետական կուսակցությունը և «Ծառուկյան» դաշինքը: 

Այսօր կայանալիք ընտրությունները կարևոր են նրանով, որ դրանցով Հայաստանն անցնում է կառավարման խորհրդարանական մոդելին, ինչին հավանություն է տվել 2015 թվականի սահմանադրական փոփոխություններով: Այսինքն՝ երկրի նախագահը կշարունակի լինել պետության գլուխը, իսկ 2018թ. գործող նախագահի լիազորություններն ավարտվելուց հետո նոր նախագահին կընտրի արդեն 2017թ․ ձևավորված խորհրդարանը, նորընտիր նախագահն իր հերթին անհապաղ կնշանակի խորհրդարանական կայուն մեծամասնության ներկայացրած վարչապետին:

2017թ․ 6-րդ գումարման Ազգային ժողովը ձեւավորվելու է միայն համամասնական ընտրական համակարգով՝ բաղկացած երկու աստիճանից՝ համապետական կամ տարածքային:

Նոր Ընտրական օրենսգրքով՝ կուսակցության ստացած մանդատների կեսը տրվելու է կուսակցության համապետական ցուցակի թեկնածուներին, մյուս կեսը բաշխվելու է կուսակցության տարածքային ցուցակներում ընդգրկված թեկնածուների միջև։

ԱԺ ընտրություններին հետեւում են ռեկորդային թվով դիտրոդներ տեղական եւ միջազգային կազմակերպկություններին: Նրանց քանակն անցնում է 28 հազարից: Այս ընտրությունները դտրակում են ավելի քան 250 դիտորդներ սփյուռքից: Նրանց մեջ են այմպիսի հայտնի հայեր, ինչպիսիք են երաժիշտ, աշխարհահռչակ «System Of a Down» խմբի կատարող Սերժ Թանկյանը, դերասանուհի Արսինե Խանջյանը, կինոռեժիսոր Ատոմ Էգոյանը և ռեժիսոր Էրիկ Նազարյանը: