Պուտինը և Լարիջանին քննարկել են Մերձավոր Արևելքի լարվածությունը և Իրանի միջուկային ծրագիրը

Ռուսաստանի նախագահ Վլադիմիր Պուտինը Կրեմլում հանդիպել է Իրանի գերագույն առաջնորդի ավագ խորհրդական Ալի Լարիջանիի հետ։ Քննարկման հիմնական թեմաներն էին Մերձավոր Արևելքում լարվածության աճը և Իրանի միջուկային ծրագիրը։

ՌԴ նախագահի մամուլի խոսնակ Դմիտրի Պեսկովը հայտնել է, որ Վլադիմիր Պուտինը Կրեմլում բանակցություններ է անցկացրել Իրանի առաջնորդ այաթոլլա Ալի Խամենեիի ավագ խորհրդական Ալի Լարիջանիի հետ։ Պեսկովի խոսքով՝ Լարիջանին իր այցի ընթացքում փոխանցել է Խամենեիի դիրքորոշումը Մերձավոր Արևելքում ստեղծված լարված իրավիճակի վերաբերյալ, ինչպես նաև ներկայացրել է Իրանի պաշտոնական դիրքորոշումը միջուկային ծրագրի հարցում։

Պուտինը, ըստ Կրեմլի ներկայացուցչի, ընդգծել է տարածաշրջանում կայունության պահպանման անհրաժեշտությունը և արտահայտվել է Իրանի միջուկային խնդրի քաղաքական լուծման օգտին։