Վանաձորում կիսաֆաբրիկատների արտադրությունը կարդիականացվի

Հայաստանի կառավարությունը հունվարի 16-ի նիստում «Կառմիլա» ընկերությանը տրամադրել է մաքսատուրքից ազատման արտոնություն՝ գերակա ոլորտում ներդրումային ծրագրի շրջանակներում։ Ձեռնարկությունը նախատեսում է արդիականացնել մսամթերքի կիսաֆաբրիկատների արտադրությունը Վանաձորում։

Ծրագրի շրջանակներում ընկերությունը 10 միլիոն դրամ կներդնի շինարարական աշխատանքների իրականացման, սարքավորումների և հումքի ձեռքբերման համար։ Ներկայումս ձեռնարկությունում աշխատում է 7 մարդ՝ 96 հազար դրամ միջին ամսական աշխատավարձով։ Մինչև 2025 թվականի առաջին կիսամյակը նախատեսվում է աշխատատեղերի թիվը հասցնել 8-ի՝ 100 հազար դրամ միջին աշխատավարձով։

Արտոնություն ստանալու համար ներկայացված ապրանքների արժեքը կազմում է 4,8 միլիոն դրամ։ Մաքսատուրքից ազատման արտոնությունը գնահատվում է 596 հազար դրամ։