Դավիթ Առուշանյանի պատգամավորական լիազորությունները դադարեցվեցին. նա կնշանակվի մարզպետ

ՀՀ ԱԺ պատգամավոր Դավիթ Առուշանյանի՝ պատգամավորի լիազորությունները դադարած համարելու մասին արձանագրությունը.

«Հիմք ընդունելով պատգամավորի հրաժարականի մասին դիմումը եւ առաջնորդվելով «Ազգային ժողովի կանոնակարգ» սահմանադրական օրենքի 154-րդ հոդվածի 1-ին մասի 6-րդ կետի եւ 155-րդ հոդվածի 2-րդ մասի 2-րդ կետի պահանջներով՝ դադարած համարել «Քաղաքացիական պայմանագիր» կուսակցության համապետական ընտրական ցուցակով ընտրված պատգամավոր Դավիթ Առուշանյանի՝ պատգամավորի լիազորությունները»,- նշված է ՀՀ ԱԺ նախագահի տեղակալ, ԱԺ նախագահի պարտականությունները ժամանակավոր կատարող Ռուբեն Ռուբինյանի ստորագրած արձանագրության մեջ:

Նշենք, որ կառավարության այսօրվա նիստի օրակարգում ներառված նախագծի համաձայն՝ Դավիթ Առուշանյանը կնշանակվի Շիրակի մարզպետ: