Կառավարությունը 2 մլրդ դրամ կուղղի մարզային համայնքների ենթակառուցվածքների զարգացմանը

Հայաստանի կառավարությունը 2 մլրդ 43 մլն 744 հազար դրամ կհատկացնի համայնքների ենթակառուցվածքների զարգացման սուբվենցիոն ծրագրերի համաֆինանսավորման համար։ Այս մասին կառավարության նիստում հայտարարեց տարածքային կառավարման և ենթակառուցվածքների նախարար Դավիթ Խուդաթյանը:

Ֆինանսավորումը կտրամադրվի հետևյալ կերպ.

• Արարատի մարզ - 7 ծրագիր


• Շիրակի մարզ - 7 ծրագիր


• Լոռու մարզ - 4 ծրագիր


• Վայոց ձորի մարզ - 4 ծրագիր


• Արմավիրի մարզ - 3 ծրագիր


• Սյունիքի մարզ - 2 ծրագիր


• Արագածոտնի մարզ - 1 ծրագիր


• Գեղարքունիքի մարզ - 1 ծրագիր

Նախարարի խոսքով, միջոցները կուղղվեն գազաֆիկացման աշխատանքներին, ոռոգման համակարգերի կառուցմանն ու վերանորոգմանը, ինչպես նաև փողոցների բարեկարգմանը։ Ընդհանուր առմամբ, 2024 թվականի պետական բյուջեում սուբվենցիոն ծրագրերի իրականացման համար նախատեսված է 22 մլրդ դրամ։