Հայաստանը միշտ եղել է եվրոպական երկիր, եւ Հայաստանի ապագան Եվրոպայում է. Անտոն Հոֆրայթեր

Աշխատանքային այցով Բեռլինում գտնվող հայ խորհրդարանականները հունիսի 27-ին հանդիպել են Բունդեսթագի ԵՄ հարցերով հանձնաժողովի նախագահ Անտոն Հոֆրայթերին եւ հանձնաժողովի անդամներին:

«Հայաստանը միշտ եղել է եվրոպական երկիր, եւ Հայաստանի ապագան Եվրոպայում է»,- ասել է Գերմանիայի Բունդեսթագի ԵՄ հարցերով հանձնաժողովի նախագահը:

Հանդիպմանը քննարկվել են ՀՀ-ԵՄ հարաբերությունների խորացման հեռանկարները:

Կողմերն արձանագրել են, որ Հայաստանի ժողովրդավարական զարգացումը պետք է մեծացնի ՀՀ դիմադրողականությունը եւ անվտանգությունը:

Զրուցակիցները խոսել են ՀՀ-ԵՄ տնտեսական եւ էներգետիկ համագործակցության խորացման ու առաջիկա ծրագրերի մասին: