Ոչ կոմպետենտ իշխանության ջանքերի պատճառով ՀՀ-ՌԴ հարաբերությունները բարդ շրջան են ապրում

ՀՀ Պաշտպանության նախկին նախարար Արշակ Կարապետյանի հայտարարությունը.

"Ռուսաստանի օրը ռուս ժողովուրդների պետական տոնն է, ովքեր հպարտանում են իրենց երկրով, հավատում են նրան ներկայի և ապագայի համար պատասխանատվության զգացումով: Այն խորհրդանշում է մշակութային և պատմական հարուստ ավանդույթներով բազմազգ տերության միասնությունը, համախմբվածությունն ու ներդաշնակությունը, որը միավորել է տարբեր ժողովուրդներ, լեզուներ, կրոններ և ավանդույթներ:

Ռուսաստանի և Հայաստանի ժողովուրդներին ավելի քան երկու հարյուր տարի կապում են ջերմ բարեկամական հարաբերությունները, ընդհանուր պատմությունն ու քրիստոնեական հավատքը: Ռուսաստանում ամենահին և ամենամեծ հայկական սփյուռքը ձևավորվել է 16-րդ դարում և ունի ավելի քան մեկուկես միլիոն մարդ: Հայաստանում Ռուսաստանին ջերմ են ընդունում եղբայրական օգնության, պատասխանատուության, հյուրընկալության և դժվարին պահերին աջակցելու համար։

Այսօր հայ ժողովրդի շահերը դավաճանելու և Ռուսաստանի հետ բարեկամության ճանապարհը բռնած ոչ կոմպետենտ իշխանության ջանքերի պատճառով երկու երկրների հարաբերությունները բարդ շրջան են ապրում: Հայերն ապրում են Հայաստանի և Ռուսաստանի միջև արդյունավետ, բովանդակալից և վստահելի երկխոսության վերադարձի հույսով, որն արմատավորված է լիակատար փոխըմբռնման զգացումով։

Վստահություն եմ հայտնում, որ մեր երկրների և ժողովուրդների միջև պատմական բարեկամական հարաբերությունները հուսալի հիմք են հանդիսանում երկարաժամկետ երկկողմ քաղաքական, տնտեսական, ռազմական և ռազմատեխնիկական համագործակցության կառուցման համար՝ հիմնված դաշնակցային և ռազմավարական գործընկերության սկզբունքների վրա և ի շահ Հայաստանի և Ռուսաստանի, հանուն Անդրկովկասում կայունության և անվտանգության ապահովման:

Օգտվելով առիթից՝ Ռուսաստանի եղբայրական ժողովրդին և Ռուսաստանի Դաշնության նախագահ Վլադիմիր Վլադիմիրի Պուտինին մաղթում եմ քաջառողջություն և նորանոր հաջողություններ աշխարհաքաղաքական սպառնալիքներին դիմակայելու գործում, խաղաղություն և հետագա բարգավաճում:

Համոզված եմ, որ չնայած թշնամիների բոլոր ջանքերին, մեր երկրների միջև բարեկամությունը միայն կամրապնդվի և կծաղկի: Սրտանց շնորհավորում եմ Ռուսաստանի բնակիչներին պետական տոնի առթիվ":