Իրանի ԱԳ նախարարը ՀՀ-ում ու Ադրբեջանում դեսպանների հետ քննարկել է իրավիճակը տարածաշրջանում

Իրանի արտգործնախարար Ամիր Աբդոլլահիանը հանդիպել է Հայաստանում ու Ադրբեջանում ԻԻՀ դեսպանների հետ։ Աբդոլլահիանն այդ առնչությամբ X-ի իր էջում գրել է.

«Դեսպանների հետ հանդիպմանը նշեցի, որ Իրանն իր արտաքին քաղաքականության շրջանակներում լուրջ ուշադրություն է դարձնում Հարավային Կովկասին։ Ընդգծեցի, որ դիվանագիտական ապարատը պետք է կենտրոնանա այս երկու երկրների հետ հարաբերությունների զարգացման և այս տարածաշրջանում մշտական խաղաղության ու կայունության հաստատման վրա՝ զերծ օտարների միջամտությունից»։