Փաստաթղթերը պետք է պարունակեն Ալիևի ցեղասպան վարչակարգի նկատմամբ պատժամիջոցներ. Բեգլարյան

Արցախի նախկին պետնախարար Արտակ Բեգլարյանն անդրադարձել է Ավստրիայի խորհրդարանի կողմից ԼՂ ժողովրդի դեմ Ադրբեջանի կողմից իրականացված էթնիկ զտումը դատապարտող բանաձևի ընդունումը: 

«Լավ քայլ է, բայց նման փաստաթղթերը պետք է պարունակեն նաև Ալիևի ցեղասպան վարչակարգի նկատմամբ պատժամիջոցների և քրեական հետապնդման միջոցների մասին հատվածներ»,- գրել է նա X-ի իր միկրոբլոգում:

VERELQ-ը հիշեցնում է, որ հոկտեմբերի 19-ին Ավստրիայի խորհրդարանը միաձայն ընդունեց Լեռնային Ղարաբաղի ժողովրդի դեմ Ադրբեջանի կողմից իրականացված էթնիկ զտումը դատապարտող բանաձև։