Ադրբեջանի ագրեսիայի և պայթյունի հետևանքով տուժած 237 արցախցի է տեղափոխվել Արցախից

Սեպտեմբերի 19-ին Ադրբեջանի սանձազերծած ագրեսիայի և Ստեփանակերտի հարակից տարածքում պայթյունի հետևանքով տուժած անձինք շարունակում են Լեռնային Ղարաբաղից տեղափոխվել Հայաստան:

Ժամը 11:00-ի դրությամբ, ցամաքային և օդային ճանապարհով հանրապետության բժշկական կազմակերպություններ է տեղափոխվել 237 մարդ, որից` 142-ը` ուղղաթիռովներով, 95-ը` շտապօգնության մեքենաներով:

Ներկայումս տուժածները գտնվում են բժիշկների հսկողության տակ և ստանում անհրաժեշտ բժշկական օգնություն:
Վիրավորների տեղափոխման գործընթացն այս պահին էլ շարունակվում է:

Հիշեցնենք, վերջին տվյալների համաձայն՝ պայթյունի հետևանքով 105 անհետ կորած կա: