Ղարաբաղում տեղի ունեցածը դե յուրե Ադրբեջանի տարածքում գործողությունների մասին. Պեսկով

ՌԴ նախագահի մամուլի քարտուղար Դմիտրի Պեսկովը, մեկնաբանելով իրավիճակը Լեռնային Ղարաբաղում, ասել է, որ խոսքը դե յուրե Ադրբեջանի տարածքում գործողությունների մասին է, փոխանցում է РИА Новости-ն։

Լրագրողները Պեսկովին հարցրել են Հայաստանի Անվտանգության խորհրդի քարտուղար Արմեն Գրիգորյանի հայտարարության մասին, ով Ռուսաստանին մեղադրել է Լեռնային Ղարաբաղի պաշտպանության հարցում ստանձնած պարտավորությունները չկատարելու մեջ։

«Մենք չենք ընդունում մեր հասցեին նման նախատինքները, հատկապես հայկական կողմի՝ Ղարաբաղը Ադրբեջանի կազմում ճանաչելու պաշտոնական որոշումից հետո: Դե յուրե հիմա խոսքը գնում է Ադրբեջանի Հանրապետության գործողությունների մասին իր տարածքում, հետևաբար՝ նման մեղադրանքները մեր դեմ բացարձակապես անհիմն են»,- ասել է Պեսկովը։