ԵՄ-ն հույս ունի, որ Լեռնային Ղարաբաղ կվերսկսվեն մարդասիրական մատակարարումները

Եվրոպական խորհրդի կայքը հրապարակել է ԵՄ նախագահ Շառլ Միշելի մամուլի քարտուղարի հայտարարությունը հայ-ադրբեջանական կարգավորման վերաբերյալ.

«2023 թվականի սեպտեմբերի 1-ի մեր հայտարարության մեջ հրապարակայնորեն շարադրված տարրերին և առաջարկներին համահունչ՝ ԵՄ նախագահ Շառլ Միշելը շարունակել է ակտիվորեն աշխատել այս և այլ մոտեցումների առաջմղման ուղղությամբ՝ կենտրոնանալով լարվածության թուլացման վրա։

Նշենք ռուսական հումանիտար օգնության մասին։ Մենք հասկանում ենք այս քայլի զգայունությունը և հուսով ենք, որ այն խթան կհանդիսանա տեղի բնակչությանը կանոնավոր մատակարարումների վերսկսման համար։ Աղդամ-Ասկերան երթուղու բացումը կարևոր քայլ է, որը պետք է նպաստի Լաչինի միջանցքի աշխատանքի վերսկսմանը: Կոչ ենք անում բոլոր շահագրգիռ կողմերին ցուցաբերել պատասխանատվություն և ճկունություն՝ ապահովելու և՛ Լաչինի, և՛ Աղդամի երթուղիներից օգտվելու հնարավորությունը»,- նշված է հաղորդագրության մեջ։