Հունվար-հուլիսին ԵԱՏՄ-ում գյուղատնտեսական արտադրանքի արտադրությունն աճել է 1,8%-ով

2023 թվականի հունվար-հուլիսին Եվրասիական տնտեսական միությունում գյուղատնտեսական արտադրանքը բոլոր կատեգորիաների գյուղացիական տնտեսություններում նախորդ տարվա նույն ժամանակահատվածի համեմատ աճել է 1,8%-ով։

Եվրասիական տնտեսական հանձնաժողովի տվյալներով՝ աճ է նկատվել Բելառուսում, Ղազախստանում և Ռուսաստանում։

Անասնաբուծական հիմնական մթերքների արտադրությունն աճել է՝ սպանդի համար անասուններ և թռչնամիս (կենդանի քաշով)՝ 2.4%-ով՝ 2022թ.-ի նույն ժամանակահատվածի համեմատ, կաթը՝ 3.2%-ով, ձու՝ 1.6%-ով։

ԵԱՏՄ բոլոր երկրներում (առանց Հայաստանի տվյալների) գրանցվել է սպանդի համար անասունների և թռչնամսի (կենդանի քաշով) և կաթի արտադրության աճ։ Ձվի արտադրության առավելագույն աճ նկատվել է Ղրղզստանում, նվազումը՝ Բելառուսում։