ԵՄ դիտորդները Հայաստանի սահմաններին լարվածության աճ են արձանագրել

Հայաստանում Եվրամիության առաքելությունը վերջին օրերին Հայաստանի սահմաններին լարվածության աճ է արձանագրել, այդ մասին հաղորդում է առաքելության Թվիթերի (X) պաշտոնական էջը։

«Վերջին օրերին ԵՄ առաքելությունը հայ-ադրբեջանական սահմանային հատվածներում մտահոգությամբ արձանագրել է լարվածության աճ և փոխհրաձգություն։ Իրավիճակի մասին զեկուցել ենք Բրյուսելին։ Մեր դիտորդները մշտադիտարկում են հայ-ադրբեջանական սահմանային հատվածներն ու շփման գիծը՝ Բրյուսելին զեկուցելու ռազմական և անվտանգային զարգացումների վերաբերյալ»,- նշված է հայտարարությունում։