ՊՆ. Ադրբեջանի ԶՈՒ ստորաբաժանումները շարունակում են կրակը Սոթքի և Նորաբակի ուղղությամբ

13:30-ի դրությամբ Ադրբեջանի ԶՈՒ ստորաբաժանումները շարունակում են հրաձգային զենքերից և ականանետից կրակը Սոթքի և Նորաբակի հատվածում տեղակայված հայկական դիրքերի ուղղությամբ:

Այս մասին տեղեկացնում են ՀՀ ՊՆ-ից։

Պաշտպանության նախարարությունը հանդես կգա լրացուցիչ հաղորդագրությամբ:

VERELQ-ը հիշեցնում է, որ Ադրբեջանի պաշտպանության նախարարությունը, օգոստոսի 31-ին պարբերաբար ապատեղեկատվություն տարածելով ու այդպիսով հերթական սադրանքի համար տեղեկատվական հիմք ստեղծելով, սեպտեմբերի 1-ին՝ ժամը 07:50-ից սկսած, ինտենսիվ կրակ է բացել Սոթքի հատվածում տեղակայված հայկական դիրքերի ուղղությամբ:

Այս պահի դրությամբ պաշտոնապես հայտարարվել է հայկական կողմից երկու զոհի և մեկ վիրավորի մասին: Վերջին ժամերին Ադրբեջանը կրակ է վարել նաև Նորաբակի ուղղությամբ:

Ադրբեջանը կիրառում է ականանետներ, ԱԹՍ: