ՀԱՍԱԿ-ը դադարեցնում է քարոզարշավը՝ սահմանին լարվածության պատճառով

"Հանուն սոցիալական արդարության" կուսակցությունը որոշում է կայացրել այս պահին ՀՀ սահմաններին ստեղծված իրավիճակից ելնելով՝ դադարեցնել քարոզարշավը։ Այս մասին ֆեյսբուքյան իր էջում հայտնել է կուսակցության նախագահ Արման Ղուկասյանը:

"Ցավալի լուրեր են գալիս սահմանից` ունենք զոհված տղերք և վիրավորներ։ Ցավակցում ենք բոլոր մեր հերոս տղերքի հարազատներին և մեզ բոլորիս։ Աստված պահապան հայ ազգին և հայոց պետությանը",- գրել է Ղուկասյանը։

VERELQ-ը հիշեցնում է, որ այսօր առավոտվանից Ադրբեջանի ԶՈՒ ստորաբաժանումները ինտենսիվ կրակ են բացել Սոթքի ուղղությամբ, ինչի հետևանքով ունենք երկու զոհ և մեկ վիրավոր: Քիչ առաջ ՊՆ-ն հայտնեց, որ Ադրբեջանը կրակ է բացել նաև Նորաբակի հայկական դիրքերի ուղղությամբ: