Լաչինի միջանցքի արգելափակումը հաստատվել է միջազգային բարձր մակարդակով. Փաշինյան

ՀՀ վարչապետ Նիկոլ Փաշինյանն օգոստոսի 17-ին կառավարության նիստում նշել է Լեռնային Ղարաբաղում հումանիտար ճգնաժամի հրատապ քննարկումը ՄԱԿ-ի Անվտանգության խորհրդի նիստում, որը կապված է Լաչինի միջանցքի անօրինական շրջափակման հետ։

Վարչապետն ընդգծել է, որ Լաչինի միջանցքի արգելափակումը հաստատվել է միջազգային բարձր մակարդակով. «Իհարկե, հայ հասարակությանը կարող է տարօրինակ թվալ, որ ես դա ֆիքսում եմ ՄԱԿ-ի Անվտանգության խորհրդում քննարկումների արդյունքում, բայց չպետք է մոռանալ. որ Ադրբեջանը անընդհատ ու շարունակաբար պնդում է, որ Լաչինի միջանցքը փակ չէ»։

«ՄԱԿ-ի Անվտանգության խորհրդում քննարկումները հաստատեցին հումանիտար ճգնաժամը Լեռնային Ղարաբաղում, որն ազդում է 120 հազար մարդու կյանքի և անվտանգության վրա։ Միջազգային հանրությունը կոչ է անում Ադրբեջանին վերացնել Լաչինի միջանցքի անօրինական արգելափակումը, սակայն մինչ օրս այդ նախաձեռնությունը կյանքի չի կոչվել»,- ասաց Փաշինյանը։

Նրա խոսքով, այժմ կարելի է արձանագրել, որ Լաչինի միջանցքի արգելափակման եւ Լեռնային Ղարաբաղում դրա հետեւանքով առաջացած հումանիտար ճգնաժամի մասին ճշմարտությունն ասվել է միջազգային ամենաբարձր մակարդակով։