Մոսկվան Երևանի հետ ամենաբարձր մակարդակով քննարկում Հռոմի ստատուտի վավերացման հարցը

Հայաստանի կողմից Միջազգային քրեական դատարանի կանոնագրգի վավերացման հարցն ամենաբարձր մակարդակով քննարկումների առարկա է, ասել է ՌԴ ԱԳՆ պաշտոնական ներկայացուցիչ Մարիա Զախարովան։

NEWS.ru-ի փոխանցմամբ՝ դիվանագիտական ​​գերատեսչության խոսնակը չի հրապարակել բանակցությունների մանրամասները՝ ասելով, որ Մոսկվան հույս ունի «այդ հարցը կարգավորել դաշնակցային և փոխադարձ ընդունելի ձևով»։

Մարտի 24-ին Հայաստանի Սահմանադրական դատարանը ՄՔԴ-ի կանոնագրքը` Հռոմի ստատուտը, հանրապետության սահմանադրությանը համապատասխանող ճանաչեց։ Կանոնադրության վավերացումը նշանակում է, որ երկիրը ճանաչում է Հաագայի տրիբունալի իրավասությունը բոլոր այն գործերի առնչությամբ, որոնցով նա զբաղվում է:

Ավելի վաղ ՏԱՍՍ-ը, հղում անելով ՌԴ ԱԳՆ-ի իր աղբյուրին, հայտնել էր, որ Մոսկվան անընդունելի է համարում Հայաստանի միացումը ՄՔԴ Հռոմի ստատուտին։ Գործակալության զրուցակցի խոսքով՝ Երևանն արդեն զգուշացվել է Մոսկվայի հետ հարաբերությունների համար նման որոշման «ծայրահեղ բացասական հետևանքների» մասին։