Երևանի քաղաքապետը և ԱԶԲ հայաստանյան գրասենյակի փոխտնօրենը քննարկել են համագործակցությունը

Երևանի քաղաքապետ Հրաչյա Սարգսյանը հանդիպել է Ասիական Զարգացման Բանկի հայաստանյան գրասենյակի տնօրենի տեղակալ Հյուպինգ Հուանգի գլխավորած պատվիրակությանը, որի շրջանակում քննարկվել են ոլորտային այն խնդիրները, որոնց լուծման համար համայնքը պատրաստ է քննարկել նոր նախագծեր:

«ԱԶԲ-ը ֆինանսական կառույց լինելուց բացի, նաև նպաստում է ժամանակակից քաղաքային ենթակառուցվածքների զարգացմանը, «կանաչ» տնտեսության և նորարար տեխնոլոգիաների ներդրմանը միտված ծրագրերի իրագործմանը, և կարող է Երևանին օգտակար լինել նաև այդ հարցերում»: