Ուկրաինայի ԱԳՆ-ն հայտարարություն է տարածել, որտեղ մայիսի 3-ին Լեռնային Ղարաբաղում տեղի ունեցած խորհրդարանական ընտրությունները հայտարարվում են ոչ լեգիտիմ:
«Ուկրաինան չի ճանաչում այսպես կոչված խորհրդարանական ընտրությունները, որոնք տեղի են ունեցել 2015թ.-ի մայիսի 3-ին Լեռնային Ղարաբաղում և դրանք համարում է ոչ լեգիտիմ: Ադրբեջանի «օկուպացված տարածքներում» այդ ընտրությունների արդյունքները չեն կարող ունենալ իրավական հետևանքներ», - նշված ԱԳՆ հայտարարության մեջ:
Բացի այդ, հայտարարության մեջ ասվում է, որ Ուկրաինան հանդես է գալիս ղարաբաղյան հակամարտության խաղաղ կարգավորման օգտին՝ Ադրբեջանի Հանրապետության միջազգայնորեն ճանաչված տարածքային ամբողջականության և ինքնիշխանության սկզբունքների հիման վրա:
Պետք է հիշեցնել, որ Կիևի այսքան կտրուկ արձագանքը Արցախի ընտրական գործընթացների նկատմամբ բավականին տարօրինակ է: Մի պետություն, որտեղ խորհրդարանական և ցանկացած այլ ընտրություններ վերջին 10 տարվա ընթացքում սկսել են կրել ամենամյա բնույթ՝ այդ երկրի քաղաքական համակարգի անկայունության պատճառով:
Մի պետություն, որտեղ արդեն մեկ տարի քաղաքացիական պատերազմ է ընթանում և որի զինված ուժերը "Գրադ" համակարգերից և այլ զենքերից պարբերաբար կրակ են արձակում սեփական քաղաքացիների ուղղությամբ, կարծես թե հեռու պետ է լինի այն բանից, որպեսզի քաղաքական խորհուրդներ և առաջարկություններ անի այս կամ այն միությանը:
Մյուս կողմից, Ուկրաինայի ԱԳՆ-ի հայտարարությունը, մեկնաբանների գնահատականներով, յուրահատուկ վրեժ է Հայաստանից՝ Ղրիմի հարցով Երևանի դիրքորոշման համար:
Հիշեցնենք, որ Երևանը 2014թ.-ի մարտին ՄԱԿ-ի գլխավոր վեհաժողովում դեմ է քվեարկել այն բանաձևին, որտեղ Ղրիմի միացումը Ռուսաստանին համարվել է ագրեսիվ ակտ: Հայկական իշխանություններն այդ ժամանակ հստակ բացատրություններ են տվել իրենց գործողություններին նշելով, որ աջակցում են ցանկացած գործընթացի, որտեղ իրացվում է ժողովուրդների ինքնորոշվելու իրավունքը:
Մինչ այդ,
VERELQ-ը հայտնել էր, որ ԵԱՀԿ-ի Մինսկի խումբը հանդես է եկել հայտարարությամբ, որտեղ մասնավորապես նշվում է. «Հակամարտության համապարփակ կարգավորման համատեքստում մենք ճանաչում ենք Լեռնային Ղարաբաղի ժողովրդի դերը՝ իրենց ապագա ճակատագիրը որոշելու հարցում: Այդուհանդերձ, ոչ մեր երեք երկրները, ոչ էլ որևէ այլ երկիր, չեն ճանաչում Լեռնային Ղարաբաղը որպես անկախ և սուվերեն պետություն:
Համապատասխանաբար, մենք չենք ընդունում այս «ընտրությունների» արդյունքները՝ որպես Լեռնային Ղարաբաղի իրավական կարգավիճակի վրա ազդող գործոն, և շեշտում, որ դրանք որևէ կերպ չեն կանխորոշում Լեռնային Ղարաբաղի վերջնական կարգավիճակը կամ Լեռնային Ղարաբաղի հակամարտության տևական և խաղաղ կարգավորմանը միտված շարունակական խաղաղ բանակցությունների արդյունքները»:
