Չավուշօղլուն բացասաբար է արձագանքել ԵԱՀԿ առաքելության՝ Հայաստանի սահման ուղարկելուն

Թուրքիայի արտգործնախարար Մևլութ Չավուշօղլուն կտրուկ բացասական արձագանք է տվել ԵԱՀԿ առաքելությունը Հայաստանի սահման ուղարկելու մասին հարցին։

«ԵԱՀԿ-ն օբյեկտիվ չէ և աջակցում է Հայաստանին, հետևաբար, 30 տարի է, ինչ խնդիրը չի լուծվում»,- ասել է Չավուշօղլուն Թուրքիայում կայացած մամուլի ասուլիսի ժամանակ։

Նա նաեւ հայտարարեց, որ ղարաբաղյան խնդրի լուծումը ԵԱՀԿ Մինսկի խմբի ջանքերի արդյունք չէ։ «Ադրբեջանն ինքն իր գործն արեց. դիտորդներ ուղարկելով սահման՝ ԵԱՀԿ-ն պետք է ճշտեր նաեւ Ադրբեջանի կարծիքը, բայց չարեց»,- ասաց նա։