ԵԱՏՄ երկրների մեծ մասն անցել է գազի դիմաց ռուբլով վճարելուն

Ըստ ԵԱՏՄ շրջանակներում գազի փոխադարձ հաշվարկների՝ Ռուսաստանը, Բելառուսը, Հայաստանն ու Ղրղզստանը պայմանավորվածություն են ձեռք բերել ռուսական գազի դիմաց վճարել միայն ռուբլով: Ներկայում Ղազախստանում դեռևս քննարկվում է այդ հարցը:

Այդ մասին հայտարարել է ԵՏՀ էներգետիկայի և ենթակառուցվածքների նախարար Արզիբեկ Կոժոշև` նշելով, որ Ղազախստանը դեռևս քննարկում է այդ հարցը:

Ակնկալվում է, որ ժամանակի ընթացքում ԵԱՏՄ շրջանակներում ազգային արժույթներով առևտուրը կշարունակի զարգանալ։

«Առաջիկայում ռուսական ռուբլին կամրապնդվի, քանի որ ազգային արժույթներով փոխադարձ հաշվարկներն ակտիվանալու են այն երկրներում, որտեղ մատակարարվում են ռուսական հումք և գազ», - ասել է նա: