ԱՄՆ դեսպանատան պարզաբանումը ՀՀ արևելյան և հարավային մարզեր չայցելելու կոչի վերաբերյալ

ԱՄՆ դեսպանատունն այսօրվա նախազգուշացմամբ փոքր-ինչ մեղմացրել է նախկին սահմանափակումները. «Լուրերի» հարցմանն ի պատասխան՝ հայտնել են դեսպանությունից` մեկնաբանելով իրենց քաղաքացիներին Հայաստանի արևելյան և հարավային մարզեր չայցելելու հորդորը:

Նմանատիպ նախազգուշացում արվել էր նաև սեպտեմբերի 13-ի էսկալացիայից հետո, և այժմ դեսպանությունը վերանայել է այդ հայտարարությունը ու ամբողջ Վայոց ձորի մարզ չայցելելու կոչը փոխարինել միայն Եղեգնաձորի արևելք չմեկնելու հորդորով:

Ավելի վաղ, Երեւանում ԱՄՆ դեսպանատունն իր երկրի քաղաքացիներին զգուշացրել է զինված հակամարտության պատճառով Հայաստանի մի շարք շրջաններ այցելելու վտանգի մասին:

ԱՄՆ դիվանագիտական ներկայացուցչությունը մասնավորապես նշել է, որ վտանգի տակ են Տավուշի, Գեղարքունիքի, Վայոց Ձորի և Սյունիքի մարզերը, ինչպես նաև դեպի Արցախի Հանրապետություն ճանապարհը: