«Սուրմալու»-ի տնտեսվարողները պետությունից փոխհատուցում չեն ստանա. նախարար

"Սուրմալու" առևտրի կենտրոնում պայթյունցի տուժած տնտեսվարողները պետությունից փոխհատուցում չեն ստանա: Այս մասին կառավարության նիստից հետո ճեպազրույցի ժամանակ հայտարարեց ՀՀ Էկոնոմիկայի նախարար Վահան Քերոբյանը՝ նշելով, որ եթե «Սուրմալու»-ի գործարարները չեն ապահովագրել իրենց գույքը, ապա պետությունն անելիք չունի:

«Եթե  գործարարները ապահովագրած լինեն իրենց գույքը, ապա, բնականաբար, հատուցելի կլինեն, իսկ եթե չեն ապահովագրել, ապա կառավարությունը չի կարող իր վրա ֆունկցիա վերցնել փոխհատուցելու այն ծախսը, որը պետք է արվեր ապահովագրական ընկերության կողմից»,- նշեց նախարարը։

Նա նաև ավելացրեց, որ եթե գործարարը չի համարել ռիսկը մեծ, այստեղ կառավարությունը անելիք չունի: