Թուրքիան առաջարկել է Հայաստանի հետ հաջորդ հանդիպումն անցկացնել Երևանում կամ Անկարայում

Թուրքիան առաջարկել է Հայաստանի հետ կարգավորման հերթական հանդիպումն անցկացնել Անկարայում կամ Երևանում, սակայն դեռ պատասխան չի ստացել։ Այս մասին ՌԻԱ Նովոստիին հայտնել է գործակալության դիվանագիտական աղբյուրը:

«Եթե մենք խոսում ենք երկու երկրների հարաբերությունների կարգավորման գործընթացի մասին, տրամաբանական կլինի, որ բանակցությունները տեղի ունենան առանց երրորդ երկրների, ուժերի մասնակցության: Մենք առաջարկել ենք հանդիպում անցկացնել Անկարայում կամ Երեւանում, բայց պատասխան դեռ չկա»,- ասել է գործակալության զրուցակիցը։

Նա նշել է, որ Թուրքիայի և Հայաստանի միջև հարաբերությունների կարգավորման խոչընդոտներից մեկը հայկական սփյուռքի կողմից գործադրվող ճնշումն է, սակայն հույս է հայտնել, որ կարգավորման գործընթացը կշարունակվի։